روشنی سے خوف کیسا
ایک معصوم بچہ سامنے سے ننگے پاؤں آ رہا ہے اور اس کا ننھا سا پاؤں سیدھا آگ پر پڑنے جارہا ہے تو آپ کیا کریں گے؟ ایسے میں آپ فوراً اس بچے کو گود میں اٹھالیں گے اور اسے آگ سے بچا کر انتہائی خوشی محسوس کر یں گے ۔اسی طرح اگر کوئی انسان آگ میں جلس جاۓ یا جل جاۓ تو آپ تڑپ جاتے ہیں اور اس کے لیے آپ کے دل میں ہمدردی پیدا ہو جاتی ہے۔
کیا آپ نے بھی سوچا آخرایسا کیوں ہے؟ اس لیے کہ تمام انسان ایک ہی ماں باپ، آدم وحواء کی اولاد ہیں اور ہر انسان کے سینے میں ایک دھڑکتا ہوا دل ہے جس میں محبت ہے، ہمدردی ہے، غمگساری ہے ،وہ دوسروں کے دکھ درد پر تڑپ اٹھتا ہے اور ان کی مدد کر کے خوش ہوتا ہے ۔اس لیے سچا انسان وہی ہے جس کے سینے میں پوری انسانیت کے لیے محبت کا جذ بہ ہو، جس کا ہر کام انسان کی خدمت کیلئے ہو اور جو کسی کو بھی دکھ درد میں دیکھ کر بے چین ہو جائے اور اس کی مدد اس کی زندگی کا لازمی تقاضا بن جاۓ ۔
اس جہان میں انسان کی بی زندگی عارضی ہے اور مرنے کے بعد اسے ایک اور زندگی ملنے والی ہے جو دائی ہو گی ۔اپنے بچے مالک کی بندگی اور اللہ تعالی کی طرف سے منتخب کردہ آخری رسول حضرت محمد سلا پلم کی اطاعت کے بغیر اسے مرنے کے بعد کی زندگی میں جنت حاصل نہیں ہوسکتی۔
آج ہمارے لاکھوں کروڑوں بھائی انجانے میں دوزخ کا ایندھن بننے کی دوڑ میں لگے ہوۓ ہیں اور ایسے راستے پر چل رہے ہیں جو رب کی ناراضگی کا باعث ہے اور سیدھا دوزخ کی طرف جا تا ہے۔
